Озишнинг йўллари кўп. Улардан бири ва энг арзони арқон (сакрагич)да сакраш десак, балки сизга кулгили туюлар. Бироқ бу ҳақиқат.

Арқонда сакраш орқали соғлом ва мафтункор бўлай десангиз қуйидаги нарсаларни билишингиз даркор.

- Калорияларни йўқотиш ва қон-томир тизимини ривожлантириш учун жуда керакли машғулот.

- Агар кўпинча ўтириб ишлайдиган бўлсангиз ёки аксинча, доимий оғир нарсани кўтариш туфайли белингиз тез-тез оғрийдиган бўлса, бу ҳолатда ҳам сакраш қўл келади. Бу орқа томон учун жуда яхши восита, чунки бу жараёнда умуртқа поғонаси чўзилади. Натижада сколиоз муаммосини унутиш мумкин.

- Юрак мушакларини рағбатлантиради.  

- Қон тезроқ айланиб, қон босимига ижобий таъсир қилади.  

- Доимий машғулотлар кексайганда юрак хуружи олдини олишга имкон беради.  

- Чидамлиликнинг сезиларли даражада ўсиши кузатилади, чунки сакраш пайтида сиз бир маромга бардош беришингиз керак, бу унчалик ҳам осон эмас.  

- Вақт ўтиши билан кун бўйи чарчоқ нималигини ҳам унутасиз.  

- Бундан ташқари, бу нафас олиш ва мувозанатни сақлаш қобилиятига ижобий таъсир кўрсатади.

- Кўпчилик арқонда сакраш - бу ажойиб стрессга қарши кураш эканини билмайди. Бундай машқлар асаб тизимига ижобий таъсир этади. Руҳий кайфият яхшиланади.

- Сакраш натижасида организмдаги токсин ва тошқол(шлак)лар чиқиб кетади, қон томирлари варикози кучаймайди. 

Эслатма! Сакраётганда имкон қадар тезроқ нафас олишни ўрганишга ҳаракат қилинг, бу машқдан кейин ўпкада юз берадиган оғриқдан сақлайди. 

Овқатланишдан олдин ёки овқатдан икки соатдан кейин машқ билан шуғулланинг.

Дилфуза Исмоилхўжаева, психолог. 

Манба: “Шифо-инфо” газетаси.

• Фойдали
• саломатлик