Ўзбекистон билан Қозоғистон чегарасидаги айрим ўтказиш пунктларида одамлар ва транспорт воситалари тирбандлиги келиб чиқмоқда. Мазкур ҳолат юзасидан Қозоғистон Республикаси Миллий хавфсизлик қўмитаси чегара хизмати муносабат билдирди.

Маълум бўлишича “Жибек йўли” назорат-ўтказиш пунктида тирбандлик кузатилган. Бунга Тошкент вилоятидаги “Ғишткўприк” чегара божхона постида автомобиль йўлини қуриш ва кенгайтириш ишлари сабаб бўлган.

“Шунингдек, Қозоғистоннинг “Тажен”, “Атамекен” ва “Қозиғурт” каби чегара ўтказиш пунктларида ҳам реконструкция ишлари давом этмоқда, “Капланбек” назорат-ўтказиш пункти ёпилган”, дейилади хабарда.

Нашрга кўра, Қозоғистон-Ўзбекистон чегарасидаги бошқа назорат-ўтказиш пунктлари одатдагидек ишламоқда.

• Чегара
• Қозоғистон