The Ring нашри бир нечта номинациялар бўйича 2022 йилнинг энг яхшиларини аниқлаш мақсадида сўров ўтказяпти.

Эътиборлиси, Токио Олимпиадаси чемпиони, проф рингда мағлубият ва дурангсиз одимлаётган Баҳодир Жалолов «Йил лойиҳаси» номинациясида тўрт нафар даъвогарлар сафига киритилди.

Экспертларнинг фикрича, улар орасида айнан Жалоловнинг ғолиблик йўлидаги имкониятлари юқори.

The Ring. Даъвогарлар тўртлиги

Кишон Девис (7-0, 5 КО), АҚШ, енгил вазн (61,2 кг). 2022 йилда Токио Олимпиадасининг кумуш медали соҳиби, 23 ёшли Девис проф рингда 3 та ғалабага эришди. Декабрь ойида мексикалик тажрибали Хуан Карлос Бургос (35-7, 21 КО)ни мағлубиятга учратди.

Ксандер Заяс (15-0, 10 КО), Пуэрто-Рико, биринчи ўрта вазн (69,9 кг). 2022 йилда Топ Ранк промоутерлик компанияси ўз тарихидаги энг ёш боксчи, яъни Заяс билан шартнома имзолади. У ҳам йил давомида 3 та жангда ғалаба қозонди.

Жаред Андерсон (13-0, 13 КО), АҚШ, супероғир вазн тоифаси. 2022 йилда 23 ёшли Андерсон ҳам 3 та жангда зафар қучди. Декабрь ойида тажрибали нокаутчи Жерри Форрест (26-6-2, 20 КО)ни таслим этди.

Баҳодир Жалолов (12-0, 12 КО), Ўзбекистон, супероғир вазн тоифаси. 2022 йилда 28 ёшли Токио Олимпиадаси чемпиони 4 та жанг ўтказиб, барчасида муддатидан олдин ғалабага эришди.

• Баҳодир Жалолов
• Бокс
• Эътироф