Профессионал бокснинг супер оғир вазнидаги ўзбекистонлик боксчи Баҳодир Жалолов кейинги жанги бўйича маълумотлар билан ўртоқлашди.
Боксчи аввал кутилганидек, 5 апрель куни Қозоғистоннинг Астана шаҳрида Топ Ранк ташкил этадиган бокс оқшомида рингга кўтарилади.
Бокс оқшомида Жалоловга ким рақиблик қилиши ҳақида аниқ маълумотлар мавжуд эмас. Аммо кўпчилик ўша куни Баҳодирнинг қозоғистонлик Иван Дичко билан жанг қилишини тахмин қилмоқда.
Эслатиб ўтамиз, Жалолов 7 февраль куни Канаданинг Монреал шаҳридаги бокс оқшомида франциялик Девид Спилмонт билан жанг қилиши керак эди. Аммо, ташкилотчилар Баҳодирнинг юзидаги учуқ сабаб жангни бекор қилишганди. Шундан кейин Жалолов ҳам, Спилмонт ҳам тез орада бошқа манзилда жанг ўтказишга тайёр эканликларини билдиришган эди.
5 апрель куни “Барис Арена”да ўтказиладиган турнирнинг марказий жангида ўрта вазн тоифасида IBF ва WBO йўналишлари чемпиони қозоғистонлик Жанибек Алимханули (16-0, 11 нокаут) келиб чиқиши конголик, ҳозирда Франция шарафини ҳимоя қилаётган Анауэл Нгамиссенге (14-0, 9 нокаут)га қарши рингга кўтарилади.
31°
Кечаси 18°
