Профбокснинг супер ярим ўрта вазн тоифасида собиқ WBA чемпиони, ўзбекистонлик боксчи Исроил Мадримовнинг навбатдаги жанги санаси ва манзили маълум бўлди.

Мадримов 2026 йил 25 январь тонгида АҚШнинг Лас-Вегас шаҳрида жойлашган “Фонтаинеблеау” мажмуасида ташкил этиладиган бокс оқшомида рингга кўтарилади. Matchroom Boxing промоутерлик компанияси хабарига кўра, ўша куни Исроилга Доминикан Республикаси вакили Луис Давид Салазар рақиблик қилади.

32 ёшли Доминика вакили бунга қадар 21 та жанг ўтказиб, шуларнинг 20 мартасида ғалаба қозонган яна бир жангда мағлубиятга учраган. Маълумот учун, 30 ёшли Исроил Мадримовнинг профрекорди 13 та жангда 10 ғалаба, 2 мағлубият ва 1 дуранг ташкил этади. Мадирмов сўнгги жангида америкалик Вергил Ортисга очколар ҳисобига кўра мағлуб бўлганди.

• Бокс
• Исроил Мадримов