АҚШ президенти Жо Байден Гаагадаги Халқаро жиноий суднинг Россия президенти Владимир Путинни ҳибсга олишга ордер бериш ҳақидаги қарорини олқишлади.

“Менимча, бу қарор асосли. Бироқ муаммо шундаки, ХЖМ (Халқаро жиноий суди) АҚШ томонидан халқаро миқёсда тан олинмаган”, – деди Байден Оқ уйда журналистларга.

Путин Украинада ҳарбий жиноятлар содир этганми, деган саволга Оқ уй раҳбари ижобий жавоб берди.

“(Путин) уруш жиноятларини содир этгани аниқ”, – дейди у.

Шунингдек, Оқ уй раҳбари Россия президенти ва Хитой раҳбари Си Цзиньпиннинг келаси ҳафтада бўлиб ўтадиган Москвадаги учрашувини шарҳлар экан, “Бу учрашув қачон бўлишини кўрамиз”, деди.

Маълумот учун, Халқаро жиноий суд Россия президенти Владимир Путин, шунингдек, Россия Федерацияси Президенти ҳузуридаги болалар ҳуқуқлари бўйича комиссари Мария Лвова-Беловани ҳибсга олишга ордер берди.

• Байден
• Путин