Беларус Хавфсизлик Кенгаши Мудофаа вазирлигига ваколатли давлат органлари билан ҳамкорликда янги ҳарбий доктринани ишлаб чиқишни топширди, дейилади миллий ҳуқуқий интернет порталида чоп этилган резолюцияда.
“Ҳарбий-стратегик вазиятнинг ўзгариши муносабати билан Мудофаа вазирлиги ваколатли давлат органлари ва ташкилотлари билан ҳамкорликда янги ҳарбий доктринани ишлаб чиқишга киришади”, – дейилади ҳужжатда.
Бундан ташқари, Хавфсизлик Кенгаши яқинда бўлиб ўтган йиғилиши якунлари бўйича “замонавий таҳдидларнинг бутун спектрини ўзгартиришни акс эттирувчи ҳамда ушбу соҳадаги давлат сиёсатини шакллантириш ва амалга оширишга умумий ёндашувларни белгиловчи” миллий хавфсизликнинг янги концепцияси лойиҳасини маъқуллаш тўғрисида қарор қабул қилди. Хавфсизлик Кенгаши қарорига кўра, концепциянинг муҳокама майдончаларида жамоатчилик муҳокамаси давом эттирилади, сўнгра концепция Бутун Беларус Халқ Ассамблеяси тасдиғига тақдим этиш учун тайёрланади.
“Глобал геосиёсий кескинликнинг кучайиши шароитида ваколатли давлат органларининг асосий саъй-ҳаракатлари ўз ваколатларига мувофиқ, мустақиллик, ҳудудий яхлитлик, суверенитетни ҳимоя қилишга қаратилган стратегик тўхтатиш доирасидаги чора-тадбирларни амалга оширишга қаратилиши керак. Конституциявий тузумни ташқи ва ички таҳдидлардан ҳимоя қилиш зарур”, – дейилади ҳужжатда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!