Бугун, 27 февраль куни Саудия Арабистонида ёрқин бокс оқшоми бўлиб ўтди. Кечанинг асосий жангида таниқли “YouTube” блогери Жейк Поль ва профессионал бокс бўйича супероғир вазн чемпиони Тайсон Фюрининг укаси Томми Фюри ўзаро баҳс олиб борди. Ушбу баҳсни томоша қилиш учун Саудияга кўплаб юлдузлар ташриф буюрди. Майк Тайсон, Тайсон Фюри, Криштиану Роналду ва бошқалар.

Жанг тўлиқ 8 раунд давом этди. Рақиблар ҳақиқий шоу ташкил қилишларига ҳеч қандай шубҳа йўқ эди. Чунки Поль проф боксда 6 баҳсда рингга кўтарилиб, уларнинг барчасида ғалаба қозонган эди. Британиялик Фюрининг рекорди эса – 8:0.

Поль спортдаги фаолиятини 2020 йилда бошлади, аммо у аллақачон ўзини баланд овозда эълон қилишга муваффақ бўлди. Унинг қурбонлари рўйхатига блогер Али Эсон Гиб, баскетболчи Нейт Робинсон, “Беллатор” собиқ чемпиони Бен Аскрен, UFC собиқ чемпиони Тайрон Вудли (икки марта) ва сайёрамиздаги энг яхши промоушеннинг яна бир таниқли фахрийси – Андерсон Силва киритилган.

Фюри нафақат боксда ўзини синаб кўришга муваффақ бўлди, у ҳатто реалити-танишув шоусини суратга олишга ҳам муваффақ бўлди. Шунга қарамай, жангчи асосий эътиборни спорт карерасига қаратади. 2022-йилда Томми битта жанг ўтказишга муваффақ бўлди. Унинг рақиби Даниел Бочански эди. Лўлилар қиролининг укаси рақибини нокаутга учратолмади, аммо очколар бўйича ғалаба қозонган.

Биринчи раунддаёқ рақиблар нокаут учун ҳаракат бошлади. Ҳар икки боксчи жангни муддатидан олдин тугатишни исташи сезилди.

Беллашув давомида Фьюри зарбалар сони ва уларнинг аниқлиги жиҳатдан устунлик қилди, Пол эса нокаут овлашга ҳаракат қилди.

Боксчилар муносиб тарзда жанг олиб борди ва саккиз раунднинг барчасини тик оёқда ўтказишди. Бироқ сўнгги раундда Жейк Поль кучли зарба эвазига Томмини нокдаун ҳолатига туширишга муваффақ бўлди. Якунда ҳакамларнинг бўлинган қарорига кўра. Томми Фьюрининг қўли баланд кўтарилди.

Шу тариқа “Лўлилар қироли”нинг укаси 9-ғалабасини тантан қилган бўлса, Жейк Поль илк жиддий синовдаёқ, мағлубият аламини татиб кўрди.

Бугунги жангдан сўнг Жейк Пол 25 миллион, Томми Фьюри эса 7 миллион доллар кафолатланган гонорарга эга бўлди.

• Бокс
• YouTube