Бугун, 21 сентябрь куни Ислом Каримов номидаги Тошкент халқаро аэропортида мамлакатимиз спортчиларини Ханчжоу-2022 ХIХ ёзги Осиё ўйинларига кузатиш маросими бўлиб ўтди.

Ўзбекистон Республикаси Бош вазири Абдулла Арипов мазкур тадбирда қатнашиб, спортчиларимизга Осиё ўйинларида муваффақиятли иштирок этишларида улкан зафарлар тилади.

Маълумот учун: Хитойнинг Ханчжоу шаҳрида жорий йилнинг 23 сентябрь – 8 октябрь кунлари ХIХ Осиё ва 22-28 октябрь кунлари IV Параосиё ўйинлари бўлиб ўтади.

Унда қитъамизнинг 45 давлатидан келадиган 11 минг нафардан зиёд спортчи 59 та олимпия ва ноолимпия спорт тури бўйича ғолиблик учун баҳс олиб боради. 350 нафардан ортиқ таркибдаги мамлакатимиз спортчилари 32 та олимпия ва 6 та ноолимпия спорт туридан иштирок этади.

• Олимпиада
• Паралимпия
• Спорт
• Хитой