Жаҳон соғлиқни сақлаш ташкилоти бутун дунёни ниқоб тақиш режимига қайтишга чақирди. Бу ҳақда ташкилот бош директори Тедрос Адҳаном айтган.

“COVID-19 омикрон штаммининг янги турлари бутун дунё бўйлаб тарқалишда давом этмоқда, шунинг учун халқаро ҳамжамиятдаги мамлакатлар пандемияга қарши курашиш учун кенг тарқалган ниқоб режимига қайтишлари керак”,– дейди ЖССТ бош директори Тедрос Адҳаном Гебреесус.

Шунингдек, у янги турдаги коронавирусни етарлича тарқалиб улгургани ва ўлимлар сони кўпайиб бораётганидан хавотирдалигини билдирган.

“Мен COVID-19 омикрон штами инфекциялари сони ортиб бораётганидан ташвишдаман. Янги эпидемия аллақачон ҳаддан ташқари кўп тарқалиб улгурди. Бу эса соғлиқни сақлаш тизимлари ва тиббиёт ходимларига қўшимча босим ўтказмоқда. Қолаверса, ўлимлар сони ортиб бораётганидан ҳам хавотирдаман”, — дейди ташкилот раҳбари.

Маълумот учун, 2022 йил 13 июль ҳолатига кўра, Ўзбекистонда коронавирус инфекцияси қайд этилганлар сони 241953 (+71) нафарни ташкил этмоқда.

• ЖССТ
• Ниқоб
• коронавирус