Жаҳон соғлиқни сақлаш ташкилоти (ЖССТ) раҳбари Тедрос Гебреесус CОVID'дан ҳам хавфлироқ янги пандемия хавфини инкор этиб бўлмаслигини айтди. Бу ҳақда у ЖССТнинг Женевадаги йиллик ассамблеясида гапирди.

“Касаллик ва ўлимнинг янги тарқалишига олиб келиши мумкин бўлган бошқа [CОVID] варианти таҳдиди сақланиб қолмоқда. Бундан ҳам кўпроқ ҳалокатли потенциалга эга бўлган янги патогеннинг пайдо бўлиши хавфи ҳам мавжуд", – деди ташкилот бош директори.

Тедрос Гебреесус, шунингдек, бутун дунёни келажакда таҳдидга жамоавий жавоб беришга тайёр бўлишга чақирди.

Жорий йилнинг 5 май куни ЖССТ раҳбари CОVID-19 вируси тарқалиши туфайли юзага келган глобал соғлиқни сақлаш фавқулодда вазияти тугаганини эълон қилди . Унинг сўзларига кўра, дунё бўйлаб камида 20 миллион одам коронавирус туфайли вафот этган.

• ЖССТ
• коронавирус