15°
Кечаси 2°
Ҳафта охирида UFC мухлисларини промоушеннинг яна бир рақамли турнири кутиб турибди.
Ушбу турнирда Ҳабибнинг жияни Умар Нурмагомедов АҚШ вакили Браян Келлеҳерга қарши жанг қилади. Аввалроқ Браяннинг рақиби ўзбекистонлик UFC жангчиси Саидёқуб Қаҳрамонов эди. Аммо, Саидёқуб турнирга оз вақт қолганда жароҳат олган ва унинг ўрнига Умар Нурмагомедов жанг қиладиган бўлди.
Кечанинг "ко мейн вент"и енгил вазн тоифаси вакиллари бразилиялик Рафаэл дос Анёс ва қирғизистонлик Рафаэл Физиев октагонда куч синашиши керак эди, аммо, жанг бошланишига тўрт кун қолганда қирғиз спортчисида Covid-19 аниқланди ва турнирда иштирок эта олмайдиган бўлди.
Маълумот ўрнида, ушбу баҳс қаторасига иккинчи марта ўтказилмайдиган бўлди. Жанг қолдириладими ёки Дос Анёсга бошқа рақиб бериладими ҳали бу аниқ эмас. Тахминларга кўра, бразилиялик жангчига Ислам Махачев рақиб бўлиши мумкин.
Марказий баҳс яримўрта вазн тоифаси вакиллари, собиқ дўстлар аммо ҳозирги кунда ашаддий душманга айланган Колби Ковингтон ва Хорхе Масвидал ўртасида кечади.
Эслатиб ўтамиз, UFC272 турнири Тошкент вақти билан якшанба тонгида бўлиб ўтади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
