Элдор Шомуродов «Рома» клубнинг Исроилдаги йиғинига чақирилмади. Мазкур йиғиндан Элдордан ташқари Жордан Верету ва Карлос Переслар ҳам четда қолиши маълум бўлган. 

Элдор Шомуродовнинг агенти, ProSports Management вакили Қаҳҳор Мўминов ушбу вазиятга ўз мижозининг бошқа клубга ўтиши мумкинлиги ҳақидаги хабар билан изоҳ берди.

«Элдор бошқа клубга ўтиш арафасида эканлиги туфайли «Тоттенхем» билан ўйинга бормади. Ушбу жараён трансфер ёки ижара кўринишида бўладими? Бу саволни «Рома» клубига берган маъқулроқ», – дейди Қаҳҳор Мўминов.

Аввалроқ, Элдор Шомуродовнинг «Рома«дан кетиши ҳақидаги хабарлар тарқалган эди. 

Шомуродовнинг агенти эса футболчи ҳозирда «Рома» ўйинчиси эканлигини, қолган барча гаплар матбуотдаги тахминлар эканини таъкидлаганди.

Эслатиб ўтамиз, «Рома» Исроилдаги йиғин доирасида «Тоттенхем»га қарши ўйин ўтказади.

• Елдор Шомуродов
• Футбол