Куни кеча Италия матбуотида Элдор Шомуродов «Рома«ни тарк этиши мумкинлиги ҳақида хабарлар пайдо бўлди.

Маълум бўлишича, ўзбекистонлик футболчи янги мавсум олдидан римликлар бош мураббийи Жозе Моуриньода яхши таассурот қолдирмаган. Миш-мишларга 27 ёшли футболчининг агенти Қаҳҳор Мўминов изоҳ берди.

«Трансфер ойнаси вақтида турли вариантлар ва талқинлар бўлади. Ҳозир фақат бир нарсани айтишимиз мумкин: Элдор «Рома» футболчиси. Қолган ҳаммаси матбуотдаги тахминлар», – деди агент.

Маълумот ўрнида, Шомуродов римликлар таркибида жами 39 та ўйинда қатнашиб, 5 та гол ва 6 та голли узатмага муаллифлик қилган.

«Рома»га қадар «Женоа», «Ростов» ва «Бунёдкор» клубларида тўп тепган ҳужумчининг трансфер қиймати 8 миллион еврога баҳоламоқда.

• Елдор Шомуродов
• Футбол