Иккинчи ярименгил вазн тоифасида фаолиятини давом эттираётган ўзбекистонлик чарм қўлқоп устаси Элнур Абдураимов (10-0, 9КО)нинг навбатдаги жанги бўйича тафсилотлар маълум бўлди.

Унга кўра, ҳамюртимиз 25 февраль куни Мексикада ташкил этиладиган бокс оқшомида рингга чиқади.

Ўн раунд этиб белгиланган жангда Элнур ўзига тегишли IBF Шимолий Америка минтақавий камарини ҳимоя қилади. Ҳозирча Абдураимовга ким рақиблик қилиши маълум эмас.

Маълумот учун, Элнур Абдураимов 2022 йилнинг 28 июль куни Калифорния (АҚШ)да ташкил этилган бокс оқшоми доирасида мексикалик Леонел Морено (2-1-1)ни мағлуб этганди.

Эслатиб ўтиш мумкин, аввалроқ Бектемир Мелиқўзиев АҚШда камар учун рингга чиқиши ҳақида хабар қилинган эди.

• Бокс
• Элнур Абдураимов
• Мексика