Туркия президенти Режеб Таййиб Эрдўған Конституцияда мактаблар, университетлар ва давлат идораларида ҳижоб ўраш ҳуқуқини мустаҳкамлаб қўйишни таклиф қилди.
2013-йилгача таълим даргоҳларида диний рўмолда кўриниш тақиқланган эди, бироқ амалдаги давлат раҳбари бу чекловнинг бекор қилинишига эришган.
“Энди кейинги босқичга ўтиш вақти келди:
Қизларимиз, опа-сингилларимиз қалбидан бу оғирликни бутунлай олиб ташлаш учун рўмол ўраш эркинлигини таклиф қиламан. Бу нима дегани? Мен буни конституциявий кафолатга айлантирайлик, демоқчиман”.
Эрдўғаннинг сўзларига кўра, агар бу ташаббус парламентда қўллаб-қувватланмаса, у референдум ўтказишга тайёр.
Нутқи давомида давлат раҳбари қандай аниқ чора-тадбирлар ҳақида гап кетаётганига аниқлик киритмаган ва улар фақат “оилани ҳимоя қилишга” қаратилганини таъкидлаган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!