Фарғона вилоятининг Қўқон шаҳрида йўлларда хавфсизликни таъминлаш, қўпол қоидабузарликларнинг олдини олиш мақсадида навбатдаги рейд тадбирлари ўтказилди.

Аниқланган ҳолатларнинг бирида, Cobalt русумли автотранспорт воситаси тўхтатилганда, машинани 13 ёшли бола катта йўлда бошқариб кетаётганлиги аниқланди. Ҳозирда ушбу ҳолат юзасидан маъмурий баённома расмийлаштирилиб, автомобиль вақтинча сақлаш жойига жойлаштирилди.

Навбатдаги аниқланган ҳолатда, Қўқон шаҳрида йўл ҳаракати қатнашчиларига халал бериб, қоида бузиб гуруҳ бўлиб ҳаракатланган бир қанча ҳайдовчиларга ҳам тушунтириш ишлари олиб борилди ва тегишли тартибда баённомалар расмийлаштирилди.

Шунингдек, ЙПХ инспекторларининг тўхташ ишорасига бўйсунмасдан ҳаракатланиб кетган бир қанча ҳайдовчиларда ҳайдовчилик гувоҳномаси йўқлиги аниқланди. Уларнинг барчаси билан ҳам тегишли тартибда профилактик суҳбат ўтказилиб, маъмурий баённомалар расмийлаштирилди.

• ИИББ
• Qoidabuzarlik
• Xavfsizlik
• Yo'llar