Гренландия муз қатлами илгари ўйланганидан 20 фоизга тезроқ эримоқда. Янги маълумотларга кўра, иқлим инқирози туфайли у соатига 30 миллион тонна музни йўқотмоқда.

Баъзи олимлар Шимолий Атлантикага кириб келаётган чучук сувнинг мазкур қўшимча манбаи инсоният учун даҳшатли оқибатларга олиб келишидан хавотирда.

Глобал исиш оқибатида Гренландиядан музнинг сезиларли даражада йўқолиши ўнлаб йиллар давомида қайд этилган.

Олимлар сунъий интеллект ёрдамида 38 йил давомида 120 метр ўлчамдаги 235 000 дан ортиқ музликларни харитага туширишди. Бу шуни кўрсатдики, 1985 йилдан бери Гренландия муз қатлами тахминан 5000 квадрат метр майдонни йўқотди. Бу триллион тонна музга тенг.

Тадқиқотчилар энг ёмон сценарийда бурилиш нуқтаси 2025 йилда бўлиши мумкинлигини таъкидлашди. Олимларнинг айтишича, Гренландия муз қатламининг катта қисми эриб кетиш хавфи мавжуд ҳудудга яқин жойлашган, бу денгиз сатҳининг 1-2 метрга кўтарилишига олиб келиши мумкин.

Гренландия музининг бошқа барча ўлчовларини жамлаган лойиҳанинг сўнгги маълумотлари 2003 йилдан буён ҳар йили 221 миллиард тонна муз йўқолганлигини кўрсатди, деб хабар берди.

• Олимпиада
• sun’iy intellekt