Италия А Сериясининг 31-туридан ўрин олган марказий баҳсда “Рома” ўз уйида Туриннинг “Ювентус”ини қабул қилди. Аҳамиятлиси, учрашувнинг 46-дақиқасида майдонга захирадан қўшилган ўзбекистонлик ҳужумчи Элдор Шомуродов 49-дақиқага келиб ҳисобни тенглаштирди – ҳужумчи дарвоза тўсинидан қайтган тўпни яқин масофадан дарвозага жойлаб, муҳим гол муаллифига айланди.

Ушбу учрашув 1:1 ҳисобидаги дуранг билан якунланди ва Шомуродов “Маn of the match” совринига лойиқ кўрилди.

Sofascore сайти ҳужумчининг ҳаракатларини 7.2 баллга баҳолади.

Маълумот учун, Элдор Шомуродов – А Сериянинг 2024/25-йилги мавсумида ўз ҳисобига 2 гол ва 2 голли узатмани ёздириб қўйган.

• А Серия
• Елдор Шомуродов
• Футбол
• Италия