“Жанубий Корея ҳукумати 3 июнь куни муддатидан олдин президент сайловларини ўтказишга қарор қилди, энди бу сана президент вазифасини бажарувчи Хан Док Су бошчилигидаги Вазирлар Маҳкамаси томонидан тасдиқланиши керак”, – дея хабар беради Yonhap ахборот агентлиги.

“Ушбу масаланинг аҳамияти ва сайлов кунини вақтинчалик дам олиш куни сифатида белгилашни ҳисобга олган ҳолда, қарор Вазирлар Маҳкамаси йиғилишида тасдиқланади”, – деган агентликка яқин амалдор.

Унинг сўзларига кўра, сайлов санаси тасдиқланиши керак бўлган Вазирлар Маҳкамасининг йиғилиши сешанба куни бўлиб ўтиши режалаштирилган.

Агар жадвал тасдиқланса, номзодлар 11 майгача рўйхатдан ўтишлари керак ва расмий сайлов кампанияси даври 12 майдан бошланади.

Янги сайланган президент сайлов натижалари эълон

қилингандан сўнг дарҳол ўз лавозимини эгаллайди.

Ўтган жума куни Жанубий Корея конституциявий суди президент Юн Сок Ёлнинг импичментини қўллаб-қувватлади ва декабрь ойида қисқа муддатли ҳарбий ҳолат жорий этилиши сабабли уни лавозимидан четлаштирди.

Энди Жанубий Корея ҳукумати 60 кун ичида навбатдан ташқари президентлик сайловларини ўтказиши керак.

• Janubiy Koreya
• Президент
• saylov