Душанба куни Ҳиндистон ва Бангладеш қирғоқларида йирик циклон туфайли кучли шамол бўлди ва кучли ёмғир ёғди. Бу ҳақда “Reuters” хабар берди.

Қайд этилишича, воқеа сабаб 16 киши ҳалок бўлган ва миллионлаб одамлар электр таъминотисиз қолган.

Табиий офатларни бошқариш бўлими бошлиғи Мижанур Раҳманнинг таъкидлашича, баъзи қурбонлар йўлда ёки уйлари ёхуд деворлари қулаганда ҳалок бўлган ёки бўрон пайтида чўкиб кетган.

“Одамлар одатда чорва моллари ва уйларини ташлаб кетишни истамайдилар. Улар охирги дақиқагача кутишади ва кўпинча жуда кеч бўлади”, - деди у.

Ҳиндистоннинг Ғарбий Бенгал штати расмийларига кўра, тўрт киши электр токи уриши оқибатида ҳалок бўлган. Ҳозирда минтақада қурбонлар сони олтитага етди.

Бангладеш пойтахти Даккада сув босган йўллар туфайли транспорт қатнови тўхтаган. Ҳиндистоннинг Калкутта шаҳрида ҳам ёмғир оқибатида кўплаб кўчаларни сув босган

“Иккала давлатда ҳам бир миллионга яқин одам бошпаналарга кўчирилди, Бангладешда 800 мингга яқин ва Ҳиндистонда 110 мингга яқин одам кўчирилди”, - деди расмийлар.

• Bangladesh
• Ҳиндистон
• Suv toshqini