Гиёҳвандлик воситаларининг ноқонуний айланмасига қарши курашиш доирасида Давлат хавфсизлик хизмати томонидан Ички ишлар ва Божхона органлари билан ҳамкорликда амалга оширилган тезкор-қидирув тадбирлари натижасида катта миқдордаги наркотик модда ашёвий далил сифатида олинди.

Тошкент вилояти Зангиота тумани ҳудудидан ўтувчи Тошкент катта ҳалқа автомобиль йўлига яқин бўлган хуфия жойга муқаддам наркокурерлар томонидан қолдириб кетилган, жами 10 дона ўрамдаги 4 кг 956 гр “опий” моддаси холислар иштирокида расмийлаштириб олинган. Бу ҳақда ДХХ матбуот хизмати хабар берди.

Ҳозирда Жиноят Кодексининг 273-моддаси 5-қисми билан жиноят иши қўзғатилиб, ушбу ажал оғуси эгаларининг шахсини аниқлаш бўйича зарур чора-тадбирлар амалга оширилмоқда.

• ДХХ
• Гиёҳвандлик
• Toshkent viloyati
• Zangiota