Ҳиндистонлик Саргам Кушал "Mrs. World-2022" гўзаллик танлови ғолибасига айланди. Унга гўзаллик тожини танловнинг ўтган йилги ғолибаси – америкалик Шейлин Форд кийдирган.

Саргам Кушал ўқитувчи ва модель сифатида фаолият олиб боради. У гўзаллик танловларида 2018 йилдан, турмушга чиққанидан сўнг қатнаша бошлаган.  

Танловнинг ҳиндистонлик сўнгги ғолибаси Адити Говитрикар бўлиб, у 2001 йилда дунёнинг энг гўзал аёли дея эътироф этилганди.

Маълумот учун, "Mrs. World" ҳар йили оилали аёллар ўртасида ўтказиладиган гўзаллик танлови бўлиб, унда ҳакамлар иштирокчиларнинг оила ва никоҳ масаласидаги фикрларига эътибор қаратишади. “Mrs. World” танлови илк марта 1984 йилда Австралияда ўтказилган.

• Маданият
• машҳурлар
• танлов