Кинематография агентлиги директори Фирдавс Абдухолиқов вазифасидан озод этилди. Бу маълумотни Кун.узънинг ҳукуматдаги манбаси тасдиқлади.

Абдухолиқов энди Ислом цивилизацияси марказига директор бўлиши кутилмоқда.

Кинематография агентлигига эса ёзувчи,  „Дўстлик“ ордени соҳиби”, „Ўзбекистонда хизмат кўрсатган ёшлар мураббийи“ Шуҳрат Ризаев янги раҳбар бўлади. У 2017 йил августидан буён агентлик раҳбарининг биринчи ўринбосари лавозимида ишлаб келаётганди.

Ўзбекистондаги дастлабки хусусий телеканаллардан бири — «СТВ» ва илк нодавлат газеталардан бири — «Даракчи»га асос солган Фирдавс Абдухолиқов 2003 йилдан Ўзбекистон Электрон оммавий ахборот воситалари миллий ассоциациясига раҳбарлик қилган. 2019 йил сентябрида эса Кинематография агентлиги (ўша вақтда «Ўзбеккино») директори этиб тайинланганди.

• Кино