Ҳали талаба бўлишига қарамай ўзбек тилидаги википедияда қарийб 600 дона саҳифа яратган Муҳаммадали Икрамов ҳалок бўлди.

Ўзбекча википедия маъмури Муҳаммадали пойтахтдаги Бўрижар каналига чўмилишга бориб, чўкиш оқибатида вафот этган.

Йигит 2004 йилнинг 16 апрелида Сурхондарё вилояти Денов туманида туғилган. Ўрта мактабни тамомлагач, 2021 йил Ўзбекистон давлат жаҳон тиллари университетига ўқишга кирган. У ерда филология ва тилларни ўқитиш мутахассислиги бўйича таҳсил олган.

Асосан ўзбекча википедияда фаолият юритган Икрамов икки йил давомида ўзбек тилида қарийб 600 та мақола ва 5 мингдан зиёд саҳифа яратган, минглаб мақолаларни таҳрир қилган ва Викимаълумотларни 3 мингга яқинини таҳрир қилган.

Қўшимча равишда Муҳаммадали Икрамов Викимедиа жамғармаси лойиҳаларининг 26 мингдан ошиғини таҳрир қилишда қатнашган.

• Halokat