31 июль куни Ислом ҳамкорлик ташкилоти (ИҲТ) давлатлари ташқи ишлар вазирларининг Скандинавиядаги икки давлатда Қуръон ёқиб юборилиши билан боғлиқ ҳодисаларга бағишланган навбатдан ташқари йиғилиши ўтказилиши режалаштирилган.

Бу ҳақда Эрон ташқи ишлар вазирлиги вакили Носир Каноний маълум қилди, дея хабар беради ИРНА.

"Эрон ва Ироқ ташқи ишлар вазирларининг қўшма таклифига кўра, ташкилот 31 июль, душанба куни ташқи ишлар вазирларининг навбатдан ташқари йиғилишини ўтказишга келишиб олди. Унда Швеция ва Данияда Қуръони Каримнинг таҳқирланиши ҳолатлари муҳокама қилинади", – деди Каноний.

Каноний Эрон ташқи ишлар вазири Амир Абдуллоҳиян учрашув ташаббускори эканини қайд этди.

У, шунингдек, Туркия ва Қувайт каби қатор исломий давлатлардан мавқедошлари билан телефон орқали мулоқот қилганини қайд этди.

• Диний эркинлик