Бугун Қирғиз Республикаси Президенти Садир Жапаров расмий-амалий давлат ташрифи билан Тожикистонга келди. Олий мартабали меҳмонни Душанбе халқаро аэропортида шахсан Эмомали Раҳмоннинг ўзи кутиб олди. Музокараларнинг асосий қисмида икки давлат раҳбарлари асосан муаммоли масала бўлиб турган чегаралардаги вазият муҳокама қилинди.  

Эмомали Раҳмон чегарани делимитация қилиш жараёнининг муваффақиятли якунланишига умид билдириб, демаркация қилиш ишларини янги босқичга кўтаришга ҳаракат қилишини таъкидлаб ўтди.
Шунингдек, хавфсизлик соҳасида яқин ҳамкорлик муҳимлигини таъкидлаб, Садир Жапаров билан ҳамкорлик истиқболларини, долзарб халқаро ва минтақавий масалаларни муҳокама қилишга тайёрлигини билдирди.

Қирғиз Республикаси президентининг айтишича, Тожикистон билан чегарани делимитация қилиш жараёнини якунлаш нафақат икки мамлакатда, балки бутун минтақада хавфсизлик ва барқарорликни таъминлаш учун муҳим қадам бўлди. У қолган баҳсли ҳудудларни ҳам демаркация қилиш жараёни тез орада якунланишига ишонч билдирди.

• Чегара
• Эмомали Раҳмон
• Қирғизистон
• Sadir Japarov
• Тожикистон