Кўпинча оғир вазиятдаги болалар жамиятдан ажралиб қолади. Янги стратегия айнан шундай болаларни ҳаётга қайтаришга ёрдам беради.

Нималар ўзгаради?

Таълимда имтиёз: ижтимоий хавфли аҳволдаги болалар учун коллеж ва техникумларга киришда 5 фоизгача қўшимча квота ажратилади. Улар имтиҳонсиз, йўлланма асосида қабул қилинади.

«Меҳрли оила» хизмати: фарзанди билан тил топиша олмаётган ота-оналар учун «оилавий терапия» ва психологик хизматлар бепул кўрсатилади.

Платформа: 2026 йил 1 апрелга қадар хавф остидаги болалар ва зўравонликка моил шахслар ҳақида ягона электрон база ишга тушади.

Бу ўзгаришлар жамиятга аниқ сигнал бермоқда: болалик — дахлсиз ҳудуд. Эндиликда «оилавий иш» ёки «тарбия услуби» деган важлар билан зўравонликни оқлаб бўлмайди. Ҳар бир бола давлатнинг қатъий ҳимоясида бўлади. Шаффоф статистика ва рақамли назорат тизими ҳеч бир зўравонликни яширишга имкон бермайди.

• Болалар
• Imtiyoz
• Квота
• Стратегия