Тwitter душанба куни ўз логотипини оқ Х га ўзгартириб, кўк қушни олиб ташлади.

Янги логотип Тwitter сарлавҳасида ва саҳифа янгиланганда кўринади.

Расмий Тwitter аккаунти аватарини аввалроқ қора фонда кўк қушдан оқ Х га ўзгартирган, Тwitter эгаси Илон Маск эса ўз саҳифасида компания штаб-квартирасининг янги логотип проекцияси билан суратини жойлаштирган.

Якшанба куни Маск x.com домени фойдаланувчиларни автоматик равишда Тwitter'га йўналтиришини эълон қилди. 1 июнь куни тадбиркор Тwitter номини Х деб ўзгартириш режалари ҳақида гапирди. 22 июнь куни компания логотипида қуш ўрнига Х ҳарфи пайдо бўлишини маълум қилди.

2022 йил 27 октябрда Маск Тwitter'ни сотиб олиш бўйича 44 миллиард долларлик шартномани ёпди. Бундан сўнг дарҳол компания раҳбариятининг бир қатор аъзоларини, жумладан, бош директор Параг Агравал ва молия директори Нед Сегални ишдан бўшатди. АҚШ Қимматли қоғозлар ва биржалар комиссиясининг маълумотлар базасига жойлаштирилган ҳужжатлардан маълум бўлишича, Маск директорлар кенгашини ҳам тарқатиб юборди ва компаниянинг ягона раҳбари бўлди.

• Ilon_Mask
• Twitter