Исроил бош вазири Бинямин Нетаняху Исроил делегациясининг 15 август куни Қатар пойтахти Доҳада бўлиб ўтадиган Ғазо сектори бўйича музокараларда иштирок этишини тасдиқлади. Бу ҳақда Исроил ҳукумати хабар берди.
Унга кўра, бош вазир Бинямин Нетаняху Исроил делегациясининг эртага Доҳага жўнаб кетишини ва музокаралар учун мандатни маъқуллаган.
Нетаняхунинг офис маслаҳатчиси Дмитрий Генделманнинг Telegram’даги каналида хабар беришича, делегация таркибига “Моссад” раҳбари Давид Барнеа, Бош хавфсизлик хизмати раҳбари Ронен Бар, шунингдек, гаровга олинганларни алмашиш координатори Нитзан Алон ва бош вазирнинг халқаро масалалар бўйича маслаҳатчиси Офир Фалк киради.
Эслатиб ўтамиз, Миср, Қатар ҳамда АҚШ Исроил ва ҲАМАС ҳаракатини 14—15 август кунлари ўт очишни тўхтатиш бўйича музокараларни давом эттиришга чақирганди. Шунингдек, уч мамлакат етакчилари келишувга эришиш учун якуний таклифни тақдим этишга тайёр эканлигини билдирган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!