Ҳаракатнинг кеча, 23 август куни X ижтимоий тармоғида эълон қилинган баёнотида айтилишича,  ҲАМАС делегацияси воситачилар иштирокида Ғазо бўйича музокаралар натижаларини кўриб чиқиш учун бугун Қоҳирага етиб борган.

“Бугун кечқурун Халил ал-Ҳайя бошчилигидаги ҲАМАС делегацияси Миср ва Қатардан воситачи биродарлар таклифига биноан Қоҳирага келади”, – дейилади ҳаракат баёнотида.

Ҳаракат раҳбарияти 2 июль куни АҚШ президенти Жо Байден ташаббуси ва БМТ Хавфсизлик кенгаши қарори асосида тақдим этган таклифига кўра, ҲАМАС позицияси ўзгармаслигини таъкидлади.

“ҲАМАС келишувларга эришилган шартларга риоя қилишга тайёрлигини тасдиқлайди ва босқинчиларга (Исроил) босим ўтказишни талаб қилади, улар ҳам шартларга риоя қилишлари ва музокараларга тўсқинлик қилишни бас қилишлари керак”, – дейилади баёнотда.

• Фаластин
• Isroil
• Уруш