Сурия давлат ахборот агентлигининг хабар беришича, Исроил ҳаво кучларининг Сурия марказига берган зарбалари натижасида камида беш киши ҳалок бўлган, 19 киши эса яраланган.

Қайд этилишича, ҳаво кучларининг зарбалари якшанба куни кечқурун Хама вилоятининг Масяф шаҳри яқинида амалга оширилган. Бироқ, Исроил армияси бу хабарларга изоҳ бергани йўқ.

Сана агентлигининг маълум қилишича, якшанба куни соат 23:20 атрофида Исроил Ливаннинг шимоли-ғарбий қисмидан марказий минтақадаги бир қатор ҳарбий нишонларга ҳаво ҳужумини уюштирган.

Шунингдек, Буюк Британияда жойлашган Сурия Инсон ҳуқуқлари обсерваторияси етти кишининг ўлими ва 15 нафар кишининг жароҳатлангани ҳақида хабар берди.

• Isroil
• Suriya