Туркия Президенти Ражаб Тоййиб Эрдўған Фаластин президенти Маҳмуд Аббос билан телефон орқали суҳбатлашди ва Исроил Ғазо секторидаги ҳаракатлари учун жавоб беришини таъкидлади. Туркия президенти администрацияси коммуникациялар департаменти раҳбари Фахреттин Алтун икки раҳбарнинг суҳбати ҳақида Туркия телевидениеси эфирида маълум қилган.

Эрдўған Аббосга вазият қандай ўзгармасин, Туркия “Исроилнинг Ғазо секторига қарши вахший ҳужумларига қарши туришда давом этишини” айтган. “Исроил, албатта, бу таъқиблар ва зулмларнинг бадалини тўлайди. Биз ҳаммамиз сулҳ тузиш учун барча кучларни сафарбар қилишимиз керак. Биз Исроилга қарши қатъий ва бирлашган жабҳада курашишимиз керак”, – деган турк раҳбари.

• Binyamin Netanyaxu
• Эрдоған
• Фаластин
• Isroil
• Туркия