Исроил Мудофаа армияси (SAXAL) баёнотида айтилишича, мамлакат сиёсий раҳбарияти кўрсатмасига биноан ва “Ғазо секторида атайлаб очарчилик уюштирилаётгани ҳақидаги ёлғон даъволарни рад этиш мақсадида” озиқ-овқат ва дори-дармон етказиб бериш учун БМТ карвонлари хавфсиз ҳаракатланадиган махсус гуманитар йўлаклар ташкил этилиши билдирилди.

Мазкур баёнотдан кўп ўтмай, SAX вакили Реутерсъга Ғазога парашютлар орқали ёрдам ташлаш яна бошланганини маълум қилди. SAXAL баёнотида “халқаро ташкилотлар томонидан тақдим этилган ун, шакар ва консервалар жойланган еттита контейнер парашют орқали туширилгани” айтилган.

Гуманитар ташкилотлар эса парашют орқали ёрдам ташлаш ўта самарасиз усул эканини қайд этмоқда.

Аввалроқ 100 дан ортиқ ташкилот Ғазода очарчилик тобора авж олаётганидан огоҳлантирган эди. SAXAL бу даъволарни инкор этиб, уларни “ХАМАС томонидан илгари сурилаётган ёлғон кампания” деб атади. Шанба куни Ғазо соғлиқни сақлаш вазирлиги тўйиб овқатланмаслик оқибатида йил бошидан буён 127 киши, жумладан, беш нафар бола вафот этганини маълум қилганди.

• Фаластин
• Гуманитар ёрдам
• Isroil