Доҳада ўтказилаётган 36-жаҳон чемпионатининг иккинчи куни ҳам Ўзбекистон терма жамоаси учун омадли келди.

Мавзуга доир: Ўзбекистон терма жамоаси Жаҳон чемпионатини кумуш медал билан бошлади

-52 кг вазн тоифасида ҳаракат қилган Диёра Келдиёрова финалга қадар мағлубиятсиз етиб келиб, Ўзбекистон дзюдоси тарихида жаҳон чемпионати медалини қўлга киритган илк аёл дзюдочига айланди.

Келдиёрова жаҳон чемпионатининг кумуш медали билан бирга қимматли 1 400 рейтинг очкосига ҳам эга чиқди.

Қайд этиш мумкин, у ҳал қилувчи финал беллашувида амалдаги Олимпиада ва жаҳон чемпиони, япониялик Ута Абега имкониятни бой бериб қўйди.

Ўз навбатида бугун, дзюдочилар -57 ва -73 кг вазн тоифаларида медаллар ҳамда рейтинг очколари учун татамига чиқадилар.

Бугунги беллашувларда Нилуфар Ермаганбетова, Шукуржон Аминова (-57 кг), Муроджон Йўлдошев ва Обидхон Номонов (-73 кг) Ўзбекистон шарафини ҳимоя қилишади.

Ўзбекистон дзюдочиларнинг бугунги рақиблари:

-57 кг: Нилуфар Ермаганбетова — Майса Пардаева (Туркманистон)

-57 кг: Шукуржон Аминова — Ана Роса (Доминикан)

-73 кг: Муроджон Йўлдошев — Михаил Тсоутласвили (Греция)/Эртур Турдубаев (Қирғизистон)

-73 кг: Обидхон Номонов — Александру Райку (Руминия)/Бенжамин Габа (Франция)

• Дзюдо
• Жаҳон чемпионати
• Ўзбекистон