Панама қирғоқлари яқинида Кариб денгизидаги 1200 нафар аҳолига эга Гарди Сугдуб ороли аста-секин денгизга чўкмоқда. Сув тошқини туфайли маҳаллий аҳоли материкка кўчиб ўтишга мажбур.
Гарди Сугдубда, асосан 200 йил олдин оролда қўним топган куна (ёки гуна) ҳинду халқи истиқомат қилади.
Гарди Сугдуб – Гуна Яла архипелагидаги аҳоли яшайдиган 50 та ороллардан бири. Унинг узунлиги атиги 400 ярд (366 метр) ва кенглиги 150 ярдни (137 метр) ташкил қилади.
Смитсон институтининг Панамадаги жисмоний мониторинг дастури директори Стивен Патоннинг айтишича, мазкур ҳолат бевосита иқлим ўзгариши, денгиз сатҳининг кўтарилиши натижасидир.
Панаманинг ҳисоб-китобларига кўра, денгиз сатҳининг кўтарилиши билан дуч келадиган 38 мингга яқин аҳолини бошқа жойга кўчириш қисқа ва ўрта муддатда тахминан 1,2 миллиард долларга тушади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!