Ҳайвонлар ёқимли, меҳрибон, бизни хурсанд қилади ва уларни кузатиш стрессни енгиллаштиради. Лекин биз нафақат мушук ва итларни яхши кўрамиз, шунингдек, микроблар ҳам уларга бефарқ эмас. Ушбу мақолада ҳайвонлардан касаллик юқтирмаслик ҳақида фикр юритамиз. Чунки инсоният учун коронавирус ва маймунчечакнинг ўзи етарли.
Барча ҳайвонларнинг ўзига хос бактерия ва вируслари бор. Ушбу микроорганизмларнинг аксарияти одамлар учун хавфли эмас. Аммо ҳайвонлардан одамларга юқиши мумкин бўлган зоонотик касалликлар мавжуд.
Зоонозлар вирусли, бактериал ёки қўзиқоринли бўлиши мумкин. Шу тарзда сиз паразитларни ҳам танагизга қабул қилишингиз эҳтимоли юқори.
Вируслар ва бактериялар ҳайвонларнинг ўзаро алоқалари, ҳар доим ҳам озода жойларда бўлмаслиги ва шунга ўхшаш ҳолатлар сабаб уларнинг танасига жойлашиб олади. Уларни кўчада учратган ва бир бор бўлса-да тегинган йўловчи ўша микробларнинг маълум бир қисмини ўзи билан олиб кетади.
Бундай боғлиқликни тўхтатиш учун шундай ҳолатдан сўнг қўлни яхшилаб ювиш ёки уларни антисептик билан таъминлаш кифоя.
Аммо бошқа, хавфлироқ юқиш усуллари мавжуд:
Ҳаво орқали. Нафас олиш йўлларига кирадиган орнитозлар ҳайвонлар ва қушларнинг ҳидлари орқали ҳам бир жойдан иккинчи манзилга кўчиши мумкин. Шунинг учун, ҳатто каптар боқмоқчи бўлсангиз ҳам, уларга узоқ масофадан туриб егулик бериш яхшироқ.
Мушук ёки итларнинг тирнаш ёки тишлаш хусусияти даҳшатли қутуриш касаллигига олиб келиши мумкин.
Кейин нима қилиш керак?
Ҳар қандай ташқи ҳайвонлар билан алоқа қилганингиздан кейин қўлингизни ювинг ва уй ҳайвонларини мунтазам равишда ветеринарга вакцинация ва текширувлар учун олиб боринг.
Кабутарларга эса имкон борича тегманг, уларни яқин атрофда овқатлантирманг.
Энг муҳими – агар кўчада бирор ҳайвон сизни тишласа, имкон борича тезроқ шифоконга бориш муҳимдир. Бундай масалада эмлашларга таяниш афзалроқдир.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!