Италиянинг Милан шаҳрида ярим тундан кейин музқаймоқ ёки бир шиша сув харид қилиш тақиқланиши мумкин. Бу ҳақда шаҳар хавфсизлиги бўйича маслаҳатчи Марко Гранелли маълум қилди.

Қайд этилишича, 17 майдан 4 ноябргача шаҳарнинг энг гавжум жойларида ярим тундан кейин олиб кетиладиган таомларни сотиш тақиқланади.

Фармондан кўзланган мақсад – аҳолининг тинчлиги ва дам олишини муҳофаза қилиш.

Хавфсизлик бўйича маслаҳатчи Марко Гранеллининг сўзларига кўра, резолюция ҳали муниципалитет томонидан имзоланмаган. У 3 майгача манфаатдор томонлар томонидан кўриб чиқилиши ва тасдиқланиши керак.

• Италия