Мазкур видеони ижтимоий тармоқларда кўрмаган одам бўлмаса керак, бу профессионал боксчи Причард Колон. Хўш, у қандай қилиб бу ҳолатга келиб қолган?
Бундан 9 йил аввал иқтидорли Притчард Колон америкалик Террелл Уилямсга қарши шов-шувли жанг ўтказган, шундан сўнг у комага тушиб қолади ва ўшандан бери тўшакка михланиб ётибди. Биз Виржиниядаги ўша жангнинг даҳшатли тафсилотларини эслаймиз ва профессионал спорт олами қанчалик хавфли эканлигини яна бир бор таъкидлаб ўтамиз. Тўғри, профессионал спортда гонорар юқори бўлиши мумкин, лекин шунга яраша ҳаётингизни катта хавф остига қўйишингизга тўгри келади.

Притчард ўзининг профессионал фаолиятини 2013 йилда бошлаган, бунга қадар қаторасига беш марта Пуерто Рико чемпиони бўлган. Колон профессионал боксдаги дебютида нокаут билан ғалаба қозонади. Кейин кетма-кет жанг ўтказа бошлайди ҳамда уларнинг аксарият қисми муддатидан олдин якунлайди.

Мағлубиятга учрамаган спортчининг карьераси тезлик билан юқорига кўтарилди ва Притчарднинг 17-профессионал жангида ўша нохуш воқеа содир бўлади. Жангнинг биринчи дақиқаларидан бошлаб Уилямс рақиби бошининг орқа қисмига зарбалар бера бошлайди, ҳакам эса бунга эътиборсизлик қилади. Бундай зарбалар “қуён зарбалари” деб номланади. Одатда фермерлар ушбу техникадан фойдаланади. Жониворларнинг қимматбаҳо юнггига зарар етказиб қўймаслик учун қуёнларни бошнинг орқа қисмига кучли зарба берган ҳолда ўлдиришади.

Бироқ бокс рингида бундай зарбалар тақиқланган. Сабаби оддий - улар жуда хавфлидир. Ва одатда, улардан фойдаланиш тўғридан-тўғри дисквалификацияга олиб келади. Аммо ўша жангда ҳакам нафақат Уилямсни дисквалификация қилишга шошилмади - ҳатто ундан очко ҳам олиб ташлагани йўқ!

Притчард ҳакамга рақибининг “ноқонуний” зарбаларига ишора қилди, аммо у ҳеч қандай реакция билдирмади. Кейин Колоннинг жаҳли чиқиб қасос сифатида рақибининг белдан паст қисмига урди. Ва - мана “сюрприз” - Притчарддан дарҳол иккита балл олиб ташланади.

Фақат еттинчи раундда ҳакам Уилямсни бошнинг орқа қисмига мунтазам зарбалар бергани учун жазолашга қарор қилди. Шу билан бирга, Колон шифокорга бош айланаётгани ҳақида ишора қилди, аммо жангни давом эттирди. Тўққизинчи раундда илгари ҳеч қачон нокдаунга учрамаган Притчард уч дақиқа ичида икки марта нокдаунга учради. Ўрнидан туриб, Колон ўз бурчагига йўл олди, у ерда унинг жамоаси жанг тўхтатилган деб ўйлаб, боксчининг қўлқопларини ечишни бошлади. Бироқ бундай бўлмади ва ғалаба Уилямсга ёзилиб, Притчард дисквалификация қилинди.

Қаҳрамонимиз кийиниш хонасига қайтиб келгач, шифокорлар ва жамоадошларига ўзини ёмон ҳис қилаётгани айтади ва йиқилиб тушади. Боксчи мияси шикастланган ҳолда касалхонага ётқизилди, у операция қилинди, шундан сўнг комага тушиб, олти ойдан кўпроқ вақтни палатада ўтказди. Колон ҳеч нарсани сезмайдиган одам сифатида комадан чиқди. Бир пайтлар у “капалак каби милтиллаган ва ари каби чаққан”. Аммо ҳозир, қарийб етти йил давомида спортчи нормал гапириш ва ҳаракат қилиш қобилиятидан маҳрум бўлиб, тўшакда ётибди.

Афсуски, бу ҳолат профессионал боксдаги ягона ҳолат эмас ва содир бўлаётган воқеаларни ўзгартириб бўлмайди. Бокс расмийлари бундай даҳшатли оқибатларга олиб келган барча хатоларни ҳисобга олишлари ва спортни хавфсизроқ қилиш учун ҳаракат қилишлари керак. Тўғри, сиз қоидаларга мувофиқ бокс ўтказиш учун спортчиларга мурожаат қилишингиз шарт эмас, балки спортчиларнинг соғлиғи учун жавобгарликни ўз зиммаларига олишлари керак бўлган рингдаги ҳакамларга мурожаат қилишингиз керак.

Narzulla aka ishxona, [22.04.2024 10:37]

• Бокс