Унинг клубдаги муваффақияцизлиги терма жамоадаги фаолиятига таъсир қилди

Криштиану Роналду “Манчестер Юнайтед”даги самарасиз ўйини учун 2022 йилги Жаҳон чемпионати юлдузлари туширилган плакатларда бўлмайди.

ESPN ўз манбаларига таяниб хабар беришича, “Манчестер Юнайтед” ҳужумчиси ЖЧ-2022 ташкилотчилари Доҳа осмонўпар биноларига жойлаштирадиган плакатлар (ҳар бир жамоадан биттадан) турнирнинг 32 юлдузи қаторига кирмаган. Бу қарор Роналдунинг МЮдаги мавқеини йўқотаётгани билан боғлиқ.

Тахминларга кўра, Португалиядан афишада терма жамоадаги ёш футболчилардан бири жойлаштирилиши кутилмоқда.

Ўйинчилар вакиллари ва миллий ассоциациялар билан баъзи ўйинчиларнинг имидж ҳуқуқлари бўйича музокаралар давом этмоқда, бироқ манбалар Неймарнинг Бразилиянинг юзи бўлишини айтишмоқда. Унда Англияни Ҳарри Кейн, Уругвайни Луис Суарес, Хорватияни Лука Модрич, Сенегални Садио Мане, Канадани Алфонсо Девис, сардори Ҳасан Ал Хайдос эса Қатар терма жамоасининг юзи сифатида намоён этади.

Қайд этилганидек, Аргентина терма жамоаси афишада сурати тушириладиган футболчи борасида ҳали бир қарорга келмаган.

• Футбол
• Жаҳон чемпионати
• Португалия
• Роналду