Беларус президенти Александр Лукашенко ўз мамлакатига тажовуз содир бўлган тақдирдагина Украинага қарши руслар билан жанг қилишга тайёрлигини маълум қилди.
"Мен Беларус ҳудудидан руслар билан ҳозиргача фақат битта ҳолатда жанг қилишга тайёрман: агар у ердан (Украинадан ) ҳеч бўлмаганда битта аскар Белоруссия ҳудудига менинг халқимни ўлдириш учун келса. Агар улар Беларусга қарши тажовуз қилишса, жавоб берилади. Бунда уруш эса бутунлай бошқача тус олади",– деди Лукашенко.
Лукашенконинг қайд этишича, бу нафақат Украинага, балки бошқа қўшниларга ҳам тегишли.
"Биз уруш нима эканлигини биламиз. Биз урушни хоҳламаймиз. Ва ҳар қандай ҳолатда ҳам биз ўз қўшинларимизни Украина ҳудудига юбормоқчи эмасмиз. Агар у ердан Беларус ҳудудига тажовуз қилмасангиз. Мана менинг жавобим. Аслида бу анча олдин берилган эди”,– деди Беларус президенти.
Шу билан бирга, у Россия Беларуснинг иттифоқчиси эканлигини, мамлакатлар қўшма ҳарбий гуруҳга эга эканлигини эслатди. Аммо шунга қарамай, Россия ҳеч қачон Беларусдан Украинага қарши уруш бошлашни сўрамаган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!