Таълим вазирлиги 25 май куни бўлиб ўтадиган “Сўнгги қўнғироқ” тадбирларида ўқувчиларнинг вальсга тушиши тақиқланмаганини маълум қилди. “Лекин айрим ота-оналарнинг ҳақли эътирозларини инобатга олган ҳолда тадбирлар сценарийларига тегишли тақиқловчи талаблар киритилиши мумкин”, — дейди вазирлик.

“Бу қайсидир тор доирадаги гуруҳлар ёки ёшлар томонидан ўйлаб топилган “анъана” туфайли айрим умумтаълим мактабларида асосий мақсади билим олиш бўлган битирувчи синф ўқувчилари “Сўнгги қўнғироқ” тадбирларида 2−3 ой олдиндан вальс тушиш учун турли рақс тўгаракларига қатнаб, вальс тушишни ўрганаётганлиги ёки ўша тадбир учун алоҳида қимматбаҳо либослар тиктириш учун буюртмалар берилаётганлиги ўз навбатида кўплаб ота-оналарнинг ҳақли норозилигига сабаб бўлмоқда. Дарҳақиқат, мактаб бу таълим маскани, ўқув йилини якунларига бағишлаб ўтказиладиган тадбир — бу энг аввало маърифат байрами, таълим берган устозларга эҳтиром кўрсатиш байрами ҳисобланади”, — дейилади вазирлик баёнотида.

Мактабгача ва мактаб таълими вазирлиги агар ўқувчилар вальс тушиш масаласида тақиққа учраса, ҳукумат идорасининг ишонч телефони: 71 202 09 09 га қўнғироқ қилишлари мумкинлигини эслатган.

• Maktabgacha va maktab ta'limi vazirligi