Болалар омбудсманига Қорақалпоғистон Республикаси Беруний туманида яшовчи фуқаро Э.А.(аёл)нинг мурожаати келиб тушган.

Мурожаатда аёл унинг қизи Д.Р.нинг 2010 йилда туғилган вояга етмаган қиз фарзанди борлиги, бир неча йил аввал қизи Д.Р. Қозоғистон Республикаси фуқаросига турмушга чиққани, невараси Беруний туманида туғилиб, Ўзбекистон Республикаси фуқароси бўлса-да, унга онаси Қозоғистон Республикасида ҳам туғилиш ҳақида гувоҳнома расмийлаштирганини билдирган.

Йўл-транспорт ҳодисаси оқибатида қизи 2024 йил август ойида вафот этиб, ҳозирда вояга етмаган невараси Э.М. Қозоғистон Республикасида ота-она қарамоғисиз қолганини маълум қилиб, неварасини Ўзбекистонга қайтаришда амалий ёрдам сўраган.

Болалар омбудсмани, Ички Ишлар вазирлиги, Ўзбекистоннинг Қозоғистондаги Бош консуллиги вакиллари ҳамкорлигида вояга етмаган Э.М.нинг Ўзбекистонга қайтариш чоралари кўрилиб, тезкор равишда вояга етмаган Э.М. ҳужжатлари расмийлаштирилишида кўмак кўрсатилган.

Кўрилган ҳамкорлик чоралари натижасида кеча, 12 майда вояга етмаган қиз холаси Ш.Р. ҳамроҳлигида Ўзбекистонга олиб келиниб, бувиси Э.А қарамоғига топширилган.

Ҳозирда бувининг неварасига нисбатан васийлиги расмийлаштирилиш жараёнида.

• Мурожаат
• Қорақалпоғистон
• Қозоғистон
• fuqaro