Бугун тонгда Riyadh Season томонидан 2025 йилнинг 22 февраль куни Саудия Арабистонининг Ар-Риёд шаҳрида ўтказиладиган проф бокс оқшоми расман эълон қилинди.

Аҳамиятлиси, турнир кардидан биринчи яримўрта вазн тоифасида собиқ WBA чемпиони Исроил Мадримов иштирокидаги жанг ҳам ўрин олган. Ҳамюртимиз Ар-Риёддаги учинчи жангида WBC Interim камари соҳиби, америкалик Вержил Ортис билан тўқнаш келади.

Мадримов бу жангдан олдин 21 декабрда украиналик Сергей Богачук билан рингга кўтарилиши лозим.

Исроилнинг промоутери ҳисобланган “Matchroom Boxing” компанияси раҳбари Эдди Хирннинг маълум қилишича, ўзбекистонлик чарм қўлқоп устаси декабрь ойидаги жангда ҳам иштирок этади.

Маълумот учун, 29 ёшли Исроил Мадримов профессионал фаолияти давомида ҳозирга қадар 12 та жанг ўтказиб, 10 та ғалаба, 1 та мағлубият ва 1 та дуранг қайд этган.

• Бокс
• Исроил Мадримов