Агар Киев тегишли сўров юборса, Европа давлатлари Украинага тинчликпарвар кучларни юбориши мумкин. Бу ҳақда Франция Президенти Эммануэл Макрон Le Parisien нашрига берган интервьюсида айтиб ўтди.

Макроннинг фикрича, Европа давлатлар ўз кучларини Украинага сафарбар қилиши учун Россиянинг хоҳиши инобатга олинмайди.

“Украина суверен, агар у иттифоқчи қўшинлардан ўз ҳудудида бўлишни сўраса, унда рози бўлиш ёки бўлмасликни Россия ҳал қилмайди”, – деган Франция президенти.

Le Парисиэнъга кўра, Украинада тинчликпарвар кучларни жойлаштириш режаси “келишувнинг якуний босқичида” амалга оширилади.

Макроннинг қўшимча қилишича, Ғарб Киевни “узоқ муддатли қўллаб-қувватлашини” намойиш этиш учун Европанинг ҳар бир давлатидан Украинага бир неча минг киши юборилиши мумкин. Европалик аскарларнинг “асосий нуқталари” Киев, Лвов ва Одесса бўлиши мумкин.

• Fransiya
• Макрон
• Россия
• Украина