Макс Планк номидаги эволюцион антропология институти ходими Жереми Маккормак бошчилигидаги палеонтологлар жамоаси катта оқ акулалар билан рақобат Ер юзида яшаган энг йирик акула – мегалодоннинг йўқ бўлиб кетишига сабаб бўлиши мумкинлигини исботлади.

23 миллион йил олдин яшаган Отодус мегалодонининг узунлиги 20 метргача ва оғирлиги 103 тоннагача бўлган, бу уларни тарихдаги энг кучли йиртқичлар бўлганини англатади. Ҳозирда оқ акула узунлиги атиги 6 м.га етади ва оғирлиги тахминан 2200 кг.ни ташкил қилади. Бироқ, замонавий мегалодонлар тишларидаги синк изотопларини ўрганиш бўйича сўнгги тадқиқотлар шуни кўрсатдики, иккала тур ҳам бирхил тарзда озиқланган.

Изотоп таҳлили диетани тушуниш учун жуда кучли воситадир, чунки элементнинг изотоп нисбатларидаги фарқлар ҳайвон томонидан истеъмол қилинадиган озиқ-овқат манбасини ва унинг озиқ-овқат занжиридаги ўрнини кузатиши мумкин. Шунингдек, у ҳайвоннинг турмуш тарзи ҳақида хулоса чиқариш имконини беради ва ўлжа учун турлараро рақобат каби сирларни ёритишга ёрдам беради.

Миоцен (20,4 – 16 миллион йил олдин) ва Плиоцен (5,3 – 3,6 миллион йил аввал) акулалари тишларини ўрганди, сўнгра уларни замонавий акулалар билан таққослаб, олимлар уларнинг замонавий ва қадимги изотоп ўлчовлари деярли бир хил эканлигини исботлашган.

Палеонтологлар йиртқич акула ҳам китлар ёки бошқа йирик океан жонзотлари каби бир хил ўлжа учун курашган деган хулосага келишди. Мегалодоннинг катталиги ва унинг энергия талаблари мавжуд ўлжа миқдорининг камайиши билан турнинг омон қолиши учун жиддий хавф туғдирди ва охир-оқибат йўқ бўлиб кетишига олиб келди.
 

• Akula
• Baliqchilik
• Olimlar