Илон Маскнинг Х ижтимоий тармоғида ёзишича, Қозоғистон Starlink интернет тизимига уланиб бўлди.

Қозоғистон Рақамли ривожланиш, инновациялар ва аэрокосмик саноат вазири Жаслан Мадиевнинг маълум қилишича, музокаралардан тортиб, техник ишлар ва ишга туширишгача бир йилдан ортиқроқ вақт кетган.

Starlink одатда 100–250 мбит/с гача интернет тезлик беради. Қозоғистонда абонент тўлови ойига тахминан 50–60 доллар, ускунанинг ўзи эса 500 долларга яқин бўлиши кутилмоқда.

Мутахассислар фикрига кўра, охирги ойларда Қозоғистон ўзини жаҳон бозорига янада кўпроқ намоён қилишга ҳаракат қилиб келмоқда. Starlink лойиҳасига қўшилиш ҳам ана шундай интилишларнинг амалий самараси эканлиги таъкидланмоқда.

• Ilon_Mask
• Интернет
• Қозоғистон
• Starlink