Хабарингиз бор, бироз аввал Исроил Мадримов ҳамда Теренс Кроуфорд ўртасидаги жанг ўз якунига етди. Ушбу жангда америкалик боксчи ҳакамларнинг қарорига кўра ғалаба қозонди.

Мазжур жанг якунланганидан кейин Мадримов ўз мағлубиятини тан олмади ва ташкилотчилардан реванш сўради.

“Теренс шу пайтгача деярли барча жангларини нокаут билан ютганди. Бугун эса мен охиригача муносиб курашдим ва жангда ғалаба қозондим, деб ўйлайман.

Бугунги жангдан кейин мен реванш сўрайман. Жаноб шайх ал Туркидан реванш жангини ташкил қилишни сўраб қоламан. Бугун жанг назоратим остида ўтганини барча кўрди. Кейинги жангларни ҳам шу даражада ўтказишга ҳаракат қиламан.

Ҳа, Теренс дунёнинг энг зўр боксчиларидан бири, мен эса ҳали 10 та жанг ўтказган эдим. Шунга қарамай, Кроуфордга қарши муносиб жанг олиб бордим деб ўйлайман. Мени қўллаб-қувватлаган барчага раҳмат. Иншааллаҳ мен қайтаман”, – деди Исроил Мадримов

Маълумот учун, Теренс Кроуфорд бунга қадар профессионал рингда ўтказган 40 та жангининг барчасида ғалаба қозонган эди.

• Исроил Мадримов