Аргентиналик ҳужумчи Лионел Месси таътильдан сўнг ПСЖга қайтганидан сўнг илк бор ўз фикрларини билдирди.

«Жамоадошларимга ва клубдаги барчага мени кўтаринки руҳда кутиб олишгани учун катта раҳмат.

Мен қайтдим ва энди ПСЖ билан бу мавсумдаги мақсадларимга эришишда давом этишни интиқлик билан кутаман», – деб ёзди аргентиналик футболчи ижтимоий тармоғида.

Эслатиб ўтамиз, 35 ёшли ҳужумчи Қатардаги жаҳон чемпионатида ғолиб чиққанидан сўнг ватани Аргентинада таътильда эди. Месси куни кеча, 4 январь куни ПСЖга қайтди.

Маълумот ўрнида, Франция чемпионатининг жорий мавсумида Месси 13 та ўйинда қатнашиб, 7 та гол ва 10 та голли узатмани амалга оширди. Шунингдек, у Чемпионлар лигасида 5 та ўйинда 4 та гол урган.

• Фикр
• Футбол
• Месси