Бу ҳақда AFP маълум қилди.

Агентлик манбаларига кўра, таклиф АҚШ президентининг Яқин Шарқ бўйича махсус вакили Стив Уиткофф томонидан ишлаб чиқилган режага асосланган бўлиб, у 60 кунлик ўт очишни тўхтатишни ва гаровга олинган исроилликларни икки босқичда озод қилишни назарда тутади.

Мисрнинг Al-Kaheera нашрига кўра, таклиф доирасида Исроил фаластинлик маҳбусларни озод қилиши ва Ғазо секторига гуманитар ёрдам киришига рухсат бериши керак.

AFP'нинг хабар беришича, ушбу таклифлар Миср ва Қатар воситачилигида олиб борилаётган музокаралар доирасига киради. Аввалроқ Миср ҳукумати таклифнинг сўнгги варианти Исроил бош вазири Бинямин Нетаняхуга топширилганини билдирган эди.

Исроил ҳозирча вазият юзасидан расмий изоҳ бермаган.

Маълумот учун, Исроил ва ХАМАС ўртасида уруш бошланганидан буён Ғазода камида 62 004 киши ҳалок бўлган. Аҳолининг аксарияти бир неча марта кўчирилган, 90 фоиздан ортиқ уйлар вайрон қилинган, соғлиқни сақлаш, сув ва санитария тизимлари ишдан чиққан. Сўнгги 24 соатда очарчилик сабаб 5 киши, жумладан 2 нафар бола ҳалок бўлган, уруш бошидан бери бундай ўлимлар сони 263 кишига етган.

• Битим
• Фаластин
• Isroil